Tennisskólinn 2010

Í sumar bjóðum við upp á stór skemmtileg námskeið fyrir alla krakka á aldrinum 5-13 ára. Þessi sumarnámskeið hafa verið mjög vinsæl hjá okkur í gegnum tíðina og eru þegar margir búnir að skrá sig. Hægt er að skrá sig hérna

Markmið námskeiðanna er að kenna undirstöðuatriði tennisíþróttarinnar í bland við skemmtilega bolta-, hlaupa- og tennisleiki auk þess sem spilaður er mini tennis. Ýmislegt annað er til gamans gert svo sem barnaeróbikk með skemmtilegri tónlist, ratleikur, tarzanleikur og fleira. Allir nemendur fá TFK bol og viðurkenningarskjal í lok námskeiðs. Í lok hvers námskeiðs er haldin grillveisla.

Hreyfiþroski og skipulag

Á hverju námskeiði er lögð áhersla á að auka hreyfiþroska barnanna og uppeldislega hollt umhverfi . Miðað er við að um það bil einn leiðbeinandi sé á hver 8 börn. Börnunum er skipt í hópa eftir aldri.

Tímasetning námskeiðanna er eftirfarandi:

1. námskeið 11. júní – 22. júní

2. námskeið 25.júní – 6. júlí

3. námskeið 9. júlí – 20. júlí

4. námskeið 23.júlí – 3. ágúst

5. námskeið 7. ágúst – 17.ágúst

Tími og gæsla

Hægt er að taka námskeið sem stendur frá kl. 9:00 – 12:00 eða frá kl. 13:00 – 16:00 eða allan daginn. Börnin geta þó mætt í gæslu kl. 7:45 og verið í gæslu í hádeginu og til kl. 17:15. Gæslan er án endurgjalds.

Verð

Verð fyrir hverja viku hálfan daginn er 9.900 kr en heilan dag 14.900 kr.  2 vikna námskeið kostar því 19.800 kr hálfan daginn en 29.800 kr heill dagur.  Systkinaafsláttur er 10% fyrir öll systkini.

Umsjón

Námskeiðin eru í umsjón tennisþjálfaranna Jóns Axels Jónssonar íþróttastjórnunarfræðings, Milan Kosicky, Jade Curtis, Söndru Dísar Kristjánsdóttur og Rögnu Sigurðardóttur.

Skráning og upplýsingagjöf er hafin í Tennishöllinni í síma 564-4030 og með því að senda tölvupóst á tennis@tennishollin.is, eða einfaldlega fylla út formið hér að neðan.

Byrjendanámskeið í tennis

Í boði eru tennisnámskeið fyrir byrjendur og lengra komna. Á sumrin eru þessir tímar yfirleitt á virkum dögum eftir vinnu en þar sem þetta eru mörg námskeið þá eru flestir tímar mögulegir.  Aðeins fjórir til fimm einstaklingar eru á hverju námskeiði með einum þjálfara og ætti því hver og einn að fá góða athygli þjálfarans.  Þessi námskeið eru bæði skemmtileg og lærdómsrík og eru góð leið til fá skemmtilega hreyfingu og læra um leið frábæra íþrótt.  Boltar og spaðar eru á staðnum. Þú getur komið einn á svona námskeið eða í hópi vina eða fjölskyldu.  Bjóðum upp á sérstök kvenna-, karla-, og paranámskeið og námskeið fyrir fyrirtækjahópa.  Hópar geta fengið sérsniðin námskeið sniðin að þeirra tímaþörfum og t.d er hægt að skipuleggja námskeið sem klárast á tveimur viku með tíma á hverjum virka degi í tvær vikur. Þjálfarar Tennishallarinnar eru sammála því að þetta sé besta leiðin til að byrja í tennis. Verð fyrir 10 tíma námskeið er 28.900 kr. en 44.900 kr. fyrir 20 tíma námskeið.  Ef þú vilt koma á svona námskeið geturðu hringt í okkur í síma 564 4030 eða sent okkur tölvupóst á tennis@tennishollin.is og við komum þér af stað.

Tennisakademia Tennishallarinnar og TFK

Tennisakademian í sumar

Tennisakademian er hugsuð fyrir þá sem eru nú þegar með ágætan grunn í tennis og vilja ná miklum framförum á stuttum tíma. Lögð er áhersla á íþróttamannslega hugsun og viðhorf, fótavinnu, tækni, herkænsku og þrek.

Tennisakademian verður í gangi eftirfarandi vikur:

11-15. júní
18-22.júní
25-29. júní
2.-6.júlí
9.-13.júlí
31.júlí – 4. ágúst

Skráningarfrestur:

Hægt er að sækja um pláss í Akademiunni til 1.júní og velja vikur og fjölda vikna sem viðkomandi vill taka þátt, hægt er þó að skrá sig eftir það en þá er hætta á að fullt verði í mörg námskeiðín. Ekki fresta skráningu því aðeins 12 komast að fyrir hádegi og 12 eftir hádegi  í hverri viku.  Reynt verður að koma á móts við óskir allra um þátttöku í Akademiunni en ekki er víst að mögulegt sé að komast að í öllum vikum sem fólk óskar en yfirþjálfarar munu fara yfir skráningarnar og hafa samband og gera hugsanlega breytingar þannig að allir verðir ánægðir og allir lendi í hópum sem þeir passa í.

Undirbúningur og markmiðasetning

Innifalið í þátttöku í akademíunni í sumar er að taka þátt í undirbúningi og mælingum helgina 2-3 júní.   Mælingar verða gerðar á mismunandi æfingum og þrautum t.d á stökkkrafti, þoli, kasthreyfingu, stöðugleika í spili og fleiru.  Mæting er laugardaginn 2.júní og Sunnudaginn 3. júní kl. 12:00.   Við vonumst til að allir sem ætla að vera með í Akademiunni í sumar geti komið og tekið þátt í þessum mælingum sem eru hugsaðar sem grunnur  að starfinu í Akademiunni.  Með þessar mælingar sem viðmið munu þjálfarar búa til drög að skriflegri markmiðasetningu fyrir hvern leikmann sem verður farið yfir fyrsta dag þegar viðkomandi mætir í Akademiuna.

Verð:

Metnaðarfullt Tennisakademiu prógramm kostar mikið í útlöndum.  Hjá okkur verður verði þó haldið í algjöru lágmarki.  Verð er 14.900 kr vikan hálfan daginn þ.e frá 9-12 eða frá 13-16 eða 22.900 kr allan daginn þ.e frá 9-16. Þær vikur sem nemendur eru í Akademiunni geta þau einnig tekið þátt á tennisæfingum kl. 16:30-18:00 mánudaga til fimmtudaga án frekara endurgjalds.

Þjálfarar Akademiunnar eru:

Jón Axel Jónsson Yfirþjálfari:  Jón Axel hefur þjálfað bæði í Bandaríkjunum og á Íslandi og er með USPTA P-1 hæstu þjálfaragráðu frá Bandaríkjunum og Level 2 gráðu frá Alþjóða tennissambandinu.  Jón Axel hefur oft spilað fyrir íslenska tennislandsliðið.

Milan Kosicky Yfirþjálfari: Milan hefur þjálfað í Bandaríkjunum, á Spáni, á Englandi og Íslandi og er með USPTA P-2 þjálfaragráðu frá Bandaríkjunum og RPT þjálfaragráðu frá Spænska tennissambandandinu.

Jade Curtis: Jade mun bæði vinna í akademiunni sem þjálfari og sem mótsspilari nemenda.  Jade sem er 22 ára er fyrrum WTA atvinnumaður í tennis og með mikla keppnisreynslu á háu stigi í tennis.  Hún var meðal annars númer 1 í Bretlandi 18 ára og yngri, náði á topp 30 unglinga á heimslista Alþjóða tennissambandssins og náði hæst 320 sæti á heimslistanum í tennis í fullorðinsflokki.  Jade hefur einnig keppt á öllum Grand slam mótum í unglingaflokki þ.e Wimbledon, US Open, France Open og Australian Open auk þess að keppa í forkeppni Wimbledon í fullorðinsflokki.

Jónas Páll Björnsson: Mun koma að undirbúningi Akademiunnar og mun hjálpa til þegar þörf er á en verður meira á skrifstofunni en á vellinum. Jónas hefur kennt tennis á Íslandi í meira en 25 ár og skipulagt alls konar tennisnámskeið og er með Level 2 gráðu frá Alþjóða tennissambandinu og hefur meðal annars sótt þjálfaranámskeið í Belgíu nýlega.

Hægt er að nota skráningformið hér að neðan eða skrá sig með því að senda tölvupóst á tennis@tennishollin.is

Með sumarkorti í tennis getur þú spilað eins oft og þú vilt í sumar bæði á inni- og útivöllum Tennishallarinnar.

Verð á sumarkortum er:

Babolat tennismótið verður haldið dagana 5 – 8.júlí 2012.

Keppt verður í einliða- og tvíliðaleik í öllum aldursflokkum og notast verður við ITN kerfið í meistaraflokki og geta allir tekið þátt í þeim flokki. Einnig verður keppt í sérstökum forgjafarflokki þar sem í verðlaun verður Pure Drive tennisspaði.

Þátttökugjald:
Fullorðnir: 3.000 kr einliða og 2.000 kr tvíliða
Börn: 2.000 kr einliða og 1000 kr tvíliða
Mini tennis: 1.000 kr

Síðasti skráningardagur er 2.júlí kl. 12:00
úrslitin í mótinu í fyrra er hægt að nálgast hér.

Fjölskyldan og tennis

Í sumar munum bjóðum við upp á frábært tilboð,  10 tíma byrjendanámskeið í tennis og sumarkort á aðeins kr. 42.900-.

Við finnum tíma sem hentar þér því aðeins eru 4-5 á hverju námskeiði og er því um margar tímasetningar að ræða. Með því að vera einnig með sumarkort þá getur þú spilað eins oft og þú vilt bæði á inni- og útivöllum.  Hafðu samband og við hjálpum þér að byrja í tennis.

Hægt er að skrá sig með því að senda póst á tennis@tennishollin.is eða fylla út formið hér að neðan:

Jade mun bæði vinna í Tennisakademiunni  Tennishallarinnar og TFK sem þjálfari og sem mótsspilari nemenda.  Jade sem er 22 ára er fyrrum WTA atvinnumaður í tennis og með mikla keppnisreynslu á háu stigi í tennis.  Hún var meðal annars númer 1 í Bretlandi 18 ára og yngri, náði á topp 30 unglinga á heimslista Alþjóða tennissambandssins og náði hæst 320 sæti á heimslistanum í tennis í fullorðinsflokki.  Jade hefur einnig keppt á öllum Grand slam mótum í unglingaflokki þ.e Wimbledon, US Open, France Open og Australian Open auk þess að keppa í forkeppni Wimbledon í fullorðinsflokki.  Koma Jade er sannkallaður hvalreki fyrir íslenskan tennis og eiga margir tennisspilara eftir að njóta góðs af reynslu hennar í sumar.

Í sumar ættu allir tennisspilarar að finna eitthvað við sitt hæfi.  Við verðum með þó nokkuð af opnum tímum sem hægt er að mæta í og kynnast þannig öðrum spilurum.

Kvennatímar verða á mánudögum kl. 12-13 og á miðvikudögum kl. 20-21.  Umsjón hafa Jón Axel Jónsson eða Milan Kosicky.
Karlakvöld verða á þriðjudögum og fimmtudögum kl. 20-22.  Umsjón hefur Ægir Breiðfjörð.

Opnir tímar fyrir þá sem eru með ITN stig 6-9 verða á mánudögum kl. 20 og á miðvikudögum kl. 12-13.  Umsjón hefur Jónas Páll Björnsson

Opnir tímar fyrir þá sem eru með ITN stig   1-6 verða á föstudögum kl. 12-13.  Umsjón hafa Jón Axel Jónsson eða Jónas Páll Björnsson

Verðið er 1500 kr skiptið en ef þú ert með sumarkort eða árskort í tennis þá er frítt í þessa tíma.